Friday December 4, 2009 - Minneapolis, Minnesota - Waxaa inoo suurta gashay inaan la kulano macalinkii xulka Qaranka Kubada Cagta Soomaaliyeed iyo Kooxdii Horseed Macalin Ibraahim Suudaani oo ku nool magaalada Minneapolis ee Gobolka Minnesota.

Macalinka oo si heersare ah noogu soo dhaweeyay magaaladiisa ayaa waxaa ka muuqatay xamaasad iyo qiiro wadani nimo iyo sida uu weli ugu hanweyn yahay in dhaliyarada yar yar ee soo koreysa ay xoojiyaan kobcinta ciyaaraha siiba mida Kubada cagta oo uu isagu kusoo dhexjiray mudo aad u dheer.

Markaan la sheekeystay macalinka waxa uu iiga waramay taariikhda kubaca cagta ee uu soomaray dalkeeda iyo heerka ay Soomaalidu ka gaartay Ciyaraha kubada Cagta Africa iyo dadlka Carabta iyo heerarkii kala duwanaa ee uu isagu kasoo maray ciyaarta kubada cagta.

Macalin Ibraahim Suudaani oo xushad heer sare ah ku dhex leh jaaliyada Soomaaliyeed ee dibada iyo gudaha ayaa anigoo ku hadlaaya magaca Maamulka iyo Ciyaartoyda Muqdisho FC aan gudoon siiyay hadiyad ay u soo dhiibeen Maamulka Muqdisho FC isagana uu iiga gudoomay si farxad iyo niyad sami ah.

Wareysi dhinacyo badan leh oo aan la yeeshay Macalinka Xulka Qaranka iyo Naadigii Horseed macalin Ibraahim Suudaani ayaan waxaan rajeynayaa inaan idiin soo gudbino maalmaha soo socda hadii ALLA IDMO.

Maalinimadii Axada ee bisha December ay aheyd 6 sadankan 2009 ayaa macalin Ibraahim iyo saaxiibkiis Cabdi Yuusuf oo isna kamid ahaa maamulkii iyo shaqaalihii naadigii Horseed ay igu casumeen qado taas oo aanan iloobi doonin.